1. Land Lease hi enga tan nge pek anih thih?

Land Lease pek theihna hi chihnih a awm a, chungte chu:-

1. Sorkar Department hnena pek thin Departmental Land Lease
2. Kohhran leh Pawl (Non-Govt. Organisation) te hnena pek thin Miscellaneous Land Lease.

2. Land Lease te hi engtia rei atan nge pek thin anih?

Land Lease te a hmanna tur (purpose) a zirina hun rei zawng hi a danglam a. Rule 17(a), sub-Rule (7) of the Mizoram Land Revenue Rules, 2013 ah Land Lease te a hmanna tur a zira pek theih hunchhung ziahlan ani.

3. Land Lease te chu engtia dil tur nge?

Land Lease dilna hi online in dil tur a ni a, Google atangin eram.mizoram.gov.in ah Form-1 hmangin dilna thehluh tur ani a, mahnia dilna thehlut thiamlo tan mahni awmna tanga kal remchang Common Service Centre pan mai tur ani.

Land Lease dil tur chu LSC emaw Pass awmsa mimalta lei/pek anih chuan ‘Sale Deed’ or ‘Gift Deed’ siamin Property Registration-ah register phawt tur ani a. Regitration documents copy leh Diversion dilna bakah LSC/Pass diversion dil tur te thil telin dilna hi thehluh tur ani.

Private Land Lease dil tur tan a chung ami bakah heng a hnuaia documents te hi thil tel tur:

1. A diltu Voter Id
2. A diltu Adhaar
3. Tribal Certificate.

4. Land Lease dilna thehluh hnuah engtia hmalak zel tur nge?

Land Lease dilna chu a tehtu Survey Firm hnenah pek anih rualin a diltu hnenah survey fee 50% pek tur zat whatsapp hmangin hriattir nghal thin ani a, fee pek tur te hi online a pek tur ani. An file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

5. Fee pek turte pek fel anih hnuah engtia hmalak zel tur nge?

Fee pek turte pek zawh anih chuan a teh tu tura ruat Survey Firm ten teh tur hun tura ruatah an teh fel anga. Documents pawimawh leh NOC te a kim a, a ramah buaina a awm loh chuan a tehtu Survey Firm-in report an thehlut anga, report an thehluh te Office lamah lo enfiah (check) a ni ang. Harsatna a awm loh chuan a mawhphurtu Land Committee/Team of Officers hnenah Recommend turin thawn leh ani ang.

6. Land Committee/Team of Officers recommend-na te tihfel ani tawh a, engtin nge a kal zel dawn?

Land Committee-in Land Lease dilna AN recommend hnuah Revenue Office-ah report an thehlut ang a. Tichuan, Sorkar phalna la turin thawn tur a ni.

7. Sorkar phalna (approval) lak anih hnuah engtia hmalak zel tur nge?

Land Lease pechhuak turin Sorkar phalna a awm hnuah Departmental Land Lease anih chuan Directorate atangin Provisional Land Lease pek ani anga, Misc.Land Lease anih chuan Asst.Commissioner, Revenue Department Office atangin Provisional Land Lease pek ani ang.

8. Provisional Land Lease lachhuak tur hian pawisa chawi ngai zat a hriat theih em.

Provisional Land Lease lakchhuahna turin pawisa chawi a ngailo.

9. Provisional Land Lease neih hnuah engtin nge Regular Land Lease lakchhuah dan tur?

Provisional Land Lease lakchhuah atanga thlaruk hnuah Regular Land Lease dilna hi thehluh tur ani. Department Land Lease dil turin Director, Land Revenue and Settlement ah dilna thehluh tur ani a. Misc.Land Lease dil turin a ram awmna Asst. Commissioner ah thehluh tur ani.

Regular Land Lease dil tur hian a ram chu tha taka hung ngei tur ani a, heihi Office lam atangin enfiah tur tirh thin ani. A ram hungthat anih chuan fee pek ngai te pek hnuah Land Lease pekchhuah thin ani.

10. Land Lease lachhuak turin chawi tur zat a hriat theih em?

Land Lease lachhuak tur hian Sorkar-in rate a siam angin a fee chhut chawp tur a ni a, a area zauh dan a zir leh a ram hlut dan a zirin chawi tur hi a in an loh avangin chawi tur zat hi sawi lawk theih a ni lo.

11. Land Lease renew dilna atan eng document te nge ngai?

1. Land Lease Renew tur (Original)
2. Chhiah pekna hnuhnung ber

Departmental Land Lease bikah chuan a chunga documents tarlan te nen hian plain paper-in dilna siama Director, Land Revenue and Settlement hnenah thehluh tur ani.

Miscellaneous Land Lease bikah chuan online a dilna thehluh tur a ni a, Google atangin aram.mizoram.gov.in ah Form 2c hmangin thehluh tur ani.

12. Land Lease renew tur hian chawi ngai a awm em, a awm chuan engzatnge chawi ngai?

Sorkarin rate a bithliah angin a ram zau dan leh a hlutna (grade) a zirin renewal fee hi chhut chawp tur ani.