1. LSC/Pass/Periodic Patta etc. chungchangah buaina a awmin engtia hmalak tur nge?

LSC/Pass/Periodic Patta etc chungchangah buaina hrang hrang a awm chuan a ram awmna Asst. Commissioner hnenah buaina awmdan leh Pass/LSC/Periodic Patta buaina in a kaihhnawih te ziaklangin complaint thehluh tur ani. Asst.Commissioner-in Surveyor tirin a kaihnawih ram neitute nen a hmunah enfiah tur ani a. Surveyor report atanga chinfel mai theih anih chuan a chinfelna order chhuah ani ang. A rambuai dan a zirin a chunglam Officer thutlukna siam tura thawn te pawh a tul thin.

2. Rambuai enfiah tur hian Surveyor in a enfiah hnuah midangin an enfiah nawn leh thin em?

A enfiahtu Surveyor Report chu thutlukna siamna atan duhanga a chian loh chuan Surveyor dang emaw a tul dan a zirin Officer te pawh enfiah tir thin an ni.

3. Asst Commissioner thutlukna siama lungawilo tan engtia hmalak tur nge?

Asst. Commissioner-in thutlukna a siam a lungawilo tan Director, Land Revenue and Settlement Department hnenah appeal theih a ni a, Director thutlukna a lungawi loh chuan Secretary, Land Revenue and Settlement Department hnenah appeal leh mai tur ani.

4. Director hnena appealna thehluh anih hian rambuai chu enfiah nawn ani leh thin em?

Asst.Commissioner-in rambuai chinfelna order a chhuah hnuah lungawilo ten Director, Land Revenue and Settlement hnenah appeal an siam hmangin Directorate atangin enfiah nawn leh ani thin.

5. LSC/Pass/Periodic Patta te inthuah buai a awm hian engtin nge thubuai rem anih thin.

Heng Pass/LSC te inthuah buai chungchangah hian an Pass/LSC a fel-fai a, dan diktaka pek anih chuan a senior zawkin in an chang thin a. Amaherawh chu LSC/Pass etc te a lo chhuah danah thil fello a awm anih chuan a dinhmun a zirin thutlukna te hi a danglam thei ani.