1. House Pass/Periodic Patta te hi hming a thlak theih em?

House Pass leh Periodic Patta te hi Sorkar phalna la in hmingthlak theih ani.

2. House Pass/Periodic Patta/LSC te hi hmingthlak turin engtia hmalak tur nge?

House Pass/Periodic Patta/LSC te hi ‘Sale Deed’ or ‘Gift Deed’(inleina or inpekna) Ukil hnenah siamtirin chu Deed chu Indian Registration Act, 1908 leh the Indian Stamp Act, 1899 hnuaiah fee chawi ngaite chawiin register tur ani a. Registration ti tur hian online in dilna thehluh tur ani a. Dilna thehluh hnuah a neitu leh neichhawngtu tur inlanna hun (Appointment) lo siam ssak an ni ang.

Registration tihfel anih hnuah online bawkin Google atangin eram.mizoram.gov.in ah Form 11 hmangin dilna thehluh tur ani. Online a dilna thehlut thiamlo tan mahni awmna atanga kal remchang Common Service Centre atangin dilna thehluh tir mai tur ani.

3. Hmingthlak dil tur hian eng documents te nge ngai?

1. Hmingthlak dil tur House Pass/Periodic Patta/LSC.
2. Hmingthlak chu LSC/Periodic Patta/House Pass te chu Office Records atangin a felfai ngei ani tih finfiahna Clearance Certificate lak a, thehluh tel tur ani.
3. A neitu leh neichhawngtu tur Voter Id ve ve.
4. A neitu leh neichhawngtu tur Adhaar ve ve.
5. Chhiah pekna hnuhnung ber.
6. A neichhawngtu tur passport size thlalak copy khat.
7. Sale Deed/Gift Deed registerna documents.
8. A neichhawngtu tur Tribal Cetificate.
9. A neichhawngtu tur Residential Certificate.
10. A neichhawngtu tur non-tribal anih chuan section 2, sub-section 16 of the Mizoram Land Revenue Act, 2013 in a phut angin Mizoram mi ani ngei ani tih finfiahna turin Nepali/Gorkha Census list thil tel tur ani.

Documents te hi original emaw a copy anih pawhin fiahfai tha tak ani tur ani.

4. Hmingthlak dilna hi thehluh fel hnuah engtia bawhzui tur nge?

House Pass leh Periodic Patta te hi Sorkar phalna lak angaih avangin Directorate kaltlangin Sorkarah phalna lak hmasak thin ani a. LSC bikah chuan a ram awmna Asst. Commissioner-in phalna a pe thei ani. Phalna pe theitu hnen atanga phalna lak fel anih chuan hmingthlakna atana fee chawi ngaite pe felin pekchhuah theih ani.

Hmingthlak tur LSC bik te hi tunlai thiamna hmanga teh anih loh chuan GIS ah dahluh theih ani lova, chuvangin a hmunah teh (demarcate) that leh vek tur ani.

5. Hmingthlakna atana fee chawi tur zat hi a hriatlawk theih em?

Hmingthlak fee hi a ram hlut dan leh zau dan a zira chhut chawp tur anih vangin hriatlawk theih ani lo.