1. Huan Pass (Periodic Patta/Agri. LSC) hi Inhmunah ah leh (Divert) turin engtia hmalak tur nge?

Periodic Patta/Agri.LSC te City/Town area ah a awm tawh chuan Inhmun-ah leh (divert) theih ani a. Google atangin eram.mizoram.gov.in-ah Form-8 hmangin online in dil tur ani, mahnia dilna thehlut thiamlo tan mahni awmna hnaivai Common Service Centre-ah dilna thehluh tir turin kal mai tur ani.

2. Huan Pass Inhmuna let (divert) tur hian eng documents te nge ngai?

1. Agri.LSC/Periodic Patta Inhmun-a leh tur
2. A neitu Voter ID
3. A neitu Adhaar
4. Chhiah pekna hnuhnung ber.

Documents te hi original anih loh pawhin a copy fiah tha tak ani tur ani.

3. Huan Pass inhmun-a leh (divert) dawn hian surrender a ngai em?

Sorkar Notification vide No.H.11018/6/2008-REV Dt. 3.12.20 hmanga thupek chhuah angin Periodic Patta Inhmuna leh dawnin 40% leh Agri.LSC aran 30% Sorkar-ah surrender tur ni a. Periodic Patta bikah a area 2.00 bighas aia a zau loh chuan Sorkar Notification vide No.H.11018/6/2008-REV Dt.4.7.2014 hmangin ngaihhnathiamna pein surrender ngai lovin tih theih ani.

4. Diversion dilna thehluh hnuah engtia hmalak zel tur nge?

Diversion dilna chu a tehtu Survey Firm hnenah pek anih rualin a diltu hnenah survey fee 50% pek tur zat whatsapp hmangin hriattir nghal thin ani a, fee pek tur te hi online a pek tur ani. An file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

5. Fee pek turte pek fel anih hnuah engtia hmalak zel tur nge?

Fee pek turte pek zawh anih chuan a teh tu tura ruat Survey Firm ten teh tur hun tura ruatah an teh fel anga. Documents pawimawh leh NOC te a kim a, a ramah buaina a awm loh chuan a tehtu Survey Firm-in report an thehlut anga, report an thehluh te Office lamah lo enfiah (check) a ni ang. Extension dil lai zau dan a zirin phalna pe theitu hnenah phalna la turin thawn ani ang.

6. Diversion dilna anga tehfel anih hnuah engtin nge a kal zel?

Diversion dilna chu tehfel anih hnuah harsatna a awm lova, NOC te lak fel anih chuan a tehtu-in report a thehlut anga Office lamah lo enfel leh a ni anga, a felfai chuan a mawhphurtu Land Committee/Team of Officers hnenah recommend turin thawn tur a ni a. Land committee/Team of Officers Recommend-na hmuh anih chuan Sorkar phalna la turin Directorate kaltlangin thawn ani ang.

7. Diversion chu phalna pek anih hnuah engtin zel nge?

Diversion phalna lak anih chuan Sorkar-in a bithliah sa angin fee te pek fel anih hnuah House Pass te pekchhuah a ni ang.

8. Diversion atan fee chawi tur zat a hriat theih em?

Diversion area zau dan leh a ram hlutna a zirin fee pek tur hi chhut chawp tur a ni.