LOGO
e-ram Land Revenue & Settlement

Agriculture LSC Chungchang

Home / FAQs / Agriculture LSC Chungchang

Agriculture LSC Chungchang

Agriculture LSC

1. Ka P.Patta hi Agri LSC-ah leh (convert) ka duh a, engtia hmalak tur nge?

Google atangin eram.mizoram.gov.in-ah Form hmangin online in thehluh tur ani a, mahnia dilna thehlut thiamlo tan mahni awmna atanga remchang berah Common Service Centre-ah kal in dilna thehluh tir mai tur a ni e.

2. P.Patta Agri LSC-a dil tur hian eng documents te nge ngai?

  1. P.Patta LSC a leh tur.
  2. Chhiah pekna hnuhnung ber.
  3. A neitu Voter ID.
  4. A neitu Adhaar.
  5. Clearance Certificate Revenue District Office atanga lak tur.
  6. A diltu non-tribal (Gorkha) anih chuan section 2, sub-section 16 of Mizoram Land Revenue Act, 2013-in a phut angin Mizoram mi an ni tih lan na turin document Nepali/Gorkha census list a an hming lanna an thil tel tur ani.

P.Patta hi Agri LSC a leh (convert) tur chuan a P.Patta hi a valid ngei tur a ni a. A thih tawh chuan renew dilna thehlutin renew fel phawt tur a ni.

3. Agri. LSC dilna thehluh fel anih hnuah eng anga bawhzui tur nge?

Agri.LSC dilna thehluh fel hnuah a teh tu tur Survey Firm kutah pek thin a ni a. Hemi chungchang hi a diltu hnenah whatsapp (a dillaia a phone no. dah) hmangin hriattir a niin survey fee 50% pek zat tur pawh hriattir nghal thin a ni a, an file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

4. Agri. LSC dilna atan survey fee pek ngai pek anih hnuah hmalak zel dan eng nge?

Fee pek turte pek zawh anih chuan a tehtu tura ruat Survey Firm ten teh tura ni ruatah an teh fel anga. Documents pawimawh leh NOC te a kim a, a ramah buaina a awm loh chuan a tehtu Survey Firm-in report an thehlut anga, report an thehluh te lo enfiah (check) a nih hnuah harsatna a awm loh bakah a pass hmasa aia a zauna 20Sqm a pelh loh chuan a mawhphurtu Asst. Comissioner-in approval pe-in LSC pekchhuah theih a ni. A area zauh belhna a tam dan a zirin phalna pe theitu Director emaw Govt. lamah thawn tur ani.

5. Agri LSC lachhuak tur hian fee chawi ngai a awm em?

Agri LSC lachhuak tur hian Land Recording fee, Registration etc. chawi a ngai a, a chawi tur zat chu a ram hlutna (Grade) leh a area a zirin chhut chawp tur a ni.

Agriculture LSC Partition/Correction/Extension/Amalgamation with Partition etc.

1. Ka Agriculture LSC hi a area thendarh ka duh a, engtin nge ka tih ang.

Agriculture LSC thendarh tur hian dilna online-a dilna thehluh tur a ni a. Google atangin online in eram.mizoram.gov.in atangin Form-12 hmangin dilna thehluh tur ani a, mahnia thehlut thiamlo tan Common Service Centre ah kalin an lo thehluh sak thei a ni.

2. Agriculture LSC then turah chuan eng documents te nge ngai?

  1. LSC Original ( a phek awm zawng zawng)
  2. Chhiah pekna update
  3. LSC neitu Voter ID
  4. LSC neitu Adhaar
  5. Section 2, sub-section 16 of the Mizoram Land Revenue Act, 2013 in a phut angin Non-Tribal (Gorkha) tan Mizoram khua leh tui ngei an ni tih finfiahna documents i.e. Gorkha census list an thil tel tur a ni.

Documents te hi original emaw a copy anih pawhin fiahfai thatak ani tur ani.

3. Agriculture LSC then dilna thehluh fel anih hnuah eng anga bawhzui tur nge?

Agriculture LSC dilna thehluh fel hnuah a tehtu tur Survey Firm kutah pek thin a ni a. Hemi chungchang hi a diltu hnenah whatsapp (a dillaia a phone no. dah) hmangin hriattir a niin survey fee 50% pek zat tur pawh hriattir nghal thin ani a, an file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

4. Agri. LSC hi thendarh dawnin a area bithliah a awm em?

Agri. LSC thendarh tur hi khawpui chhung ami anih chuan Govt. Notification vide No.H.11018/4/2018-REV Dt.1.6.2021 thu angin 3822.30 sq.m or 41,142.86 sq.ft or 2.86 bigha aiin a zim tur ani lo.

5. LSC thendarh (partition) dilna chu teh fel anih hnuah engtin nge a kal zel?

LSC thendarh dilna chu a tehtu Survey Firm ten report an thehluh hnuah a report atanga a felfai bakah a area aia zau teh belh anih loh chuan a mawhphurtu Asst. Commissioner in phalna pe-in LSC thar issue tura buaipui nghal a ni ang. A area a lo zauh belh anih chuan a zauh dan a zirin phalna (approval) pe theitu i.e. Director emaw Government phalna lak a ngai ang.

6. AGRI.LSC thendarh atan hian pawisa chawi ngai engzat nge?

LSC thendarh (partition) atan pawisa chawi tur zat hi sawi lawk theih a ni lova, a area zauh dan te, a thendarh (plot) tan dan leh a ram hlut dan a zirin chhut chawp tur a ni.

7. Ka huan Agri.LSC area bulah hian ka LSC in a phak bak ram ruak a awm a, ka LSC-ah khung luh(extend) ka duh a, engtia hmalak tur nge?

In hmun LSC extension dilna chu Google atangin online in eram.mizoram.gov.in-ah thehluh tur ani a, Dilna thehlut thiamlo tan Common Service Centre lamah kal mai tur a ni e.

8. LSC extension dil tur hian eng documents te nge ngai?

  1. Agri. LSC Original
  2. Chhiah pekna hnuhnung ber
  3. LSC neitu Voter ID
  4. LSC neitu Adhaar
  5. Revenue District Office atangin Clearance Certificate lain thil tel tur.

9. Agri.LSC extension dilna thehluh hnuah engtia hmalak zel tur nge?

Agri.LSC extension dilna chu a tehtu Survey Firm hnenah pek anih rualin a diltu hnenah survey fee 50% pek tur zat whatsapp hmangin hriattir nghal thin ani a, fee pek tur te hi online a pek tur ani. An file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

10. Fee pek turte pek fel anih hnuah engtia hmalak zel tur nge?

Fee pek turte pek zawh anih chuan a teh tu tura ruat Survey Firm ten teh tur hun tura ruatah an teh fel anga. Documents pawimawh leh NOC te a kim a, a ramah buaina a awm loh chuan a tehtu Survey Firm-in report an thehlut anga, report an thehluh te Office lamah lo enfiah (check) a ni ang. Extension dil lai zau dan a zirin phalna pe theitu hnenah phalna la turin thawn ani ang.

11. Agri.LSC extension dilna anga tehfel anih hnuah engtin nge a kal zel?

Agri.LSC extension dilna chu tehfel anih hnuah harsatna a awm lova, NOC te lak fel anih chuan a tehtu-in report a thehlut anga Office lamah lo enfel leh a ni anga, a felfai chuan extension dillai zau dan a zirin approval pe theitu hnenah thawn a ni ang.

12. Agri.LSC extension chu phalna pek anih hnuah engtin zel nge?

LSC extension phalsak anih chuan Sorkar-in a bithliah sa angin fee te pek fel anih hnuah LSC thar pekchhuah a ni ang.

13. Agri. LSC extension atan fee chawi tur zat a hriat theih em?

Agri.LSC extension area zau dan leh a ram hlutna a zirin fee pek tur hi chhut chawp tur a ni.

14. Ka thenawmte ram an Agri.LSC chhung ami thenkhat ka lei belh a, ka thenawmte Agri.LSC atangin ka Agri.LSC ah dah luh ka duh a, engtia tih tur nge?

Google atangin online in eram.mizoram.gov.in-ah dilna thehluh tur ani a, Form (Amalgamation with partition application) hmangin dilna thehluh tur a ni. Mahnia dilna thehlut thiamlo tan mahni awmna atang remchang Common Service Centre pan mai tur ani.

15. Agri.LSC amalgamation with partition dil tur hian eng documents te nge ngai?

  1. Agri.LSC khawih danglam turte
  2. Chhiah pekna hnuhnung ber
  3. Agri.LSC neitute Voter ID
  4. Agri.LSC neitute Adhaar
  5. Agri.LSC neitute passport size thlak copy khat theuh.

16. Agri.LSC amalgamation with partition dilna thehluh hnuah engtia hmalak zel tur nge?

Agri.LSC amalgamation withpartition dilna chu a tehtu Survey Firm hnenah pek anih rualin a diltu hnenah survey fee 50% pek tur zat te whatsapp hmangin hriattir nghal ani thin a, fee pek tur te hi online a pek tur ani. An file kal zelna pawh whatsapp hmangin hriattir thin ani a, heihi a diltute tan office dawr buai ngai lovin an file/ dilna awmna hriattheih nan a tih ani. A diltu ten whatsapp hi lo ngaihchan reng tur a ni.

17. Fee pek turte pek fel anih hnuah engtia hmalak zel tur nge?

Fee pek turte pek zawh anih chuan a teh tu tura ruat Survey Firm ten teh tur hun tura ruatah an teh fel anga. Documents pawimawh leh NOC te a kim a, a ramah buaina a awm loh chuan a tehtu Survey Firm-in report an thehlut anga, report an thehluh te Office lamah lo enfiah (check) a ni ang. Harsatna a awm loh chuan a mawhphurtu Asst.Commissioner phalna a pe mai thei a, a ram a zau belh emaw thildang harsatna a awm anih chuan phalna pe theitu hnenah phalna la turin thawn tur ani.

18. Agri.LSC amalgamation with partition dilna tehfel anih hnuah engtin nge a kal zel?

LSC amalgamation with partition dilna chu tehfel anih hnuah harsatna a awm lova, NOC te lak fel anih chuan a tehtu-in report a thehlut anga Office lamah lo enfel (check) leh a ni anga, a felfai chuan a mawhphurtu Asst.Commissioner in phalna a pe ang, a LSC awmsa aia a lo zau belh anih chuan a zau dan a zirin approval pe theitu hnenah thawn a ni ang.

19. Agri.LSC Amalgamation with partition phalna a awm hnuah engtia hmalak zel tur nge?

Agri. LSC amalgamation with partition hi phalsak anih chuan Sorkarin a bithliah sa angin fee te pek fel anih hnuah LSC thar pekchhuah a ni ang.

20. LSC Amalgamation with partition atan fee chawi tur zat a hriat theih em?

LSC amalgamation with partition atana fee chawi ngai hi a ram zau dan a zir te, a awmna a zirte a chhut chawp ngai anih vangin hriat lawk theih ani lo.